நிகழ்ச்சி : நிஜமும் நிழலும் & ஊரும் உணவும்
2024 ஆம் ஆண்டின் நமது மஸ்கட் தமிழ்ச் சங்கத்தின் மார்ச் மாத நிகழ்ச்சி "நிஜமும் நிழலும் & ஊரும் உணவும்" நடைபெற்றது என்பதை அறிவிப்பதில் மிக்க மகிழ்ச்சி அடைகிறோம்.
உறுப்பினர்கள் தங்களது குடும்பத்துடன் கலந்து கொண்டு மிக அழகாக குழந்தைகள் முதல் பெரியவர்கள் வரை மிகவும் ரசிக்கத்தக்க வகையில் பல விதமான காய்கறிகள், பழங்கள், பறவைகள், விலங்குகள், தமிழ் இலக்கிய கதாபாத்திரங்கள் வேடமிட்டு அதற்க்கு ஏற்றார்போல் பேசி பார்வையாளர்களை வெகுவாக சிறப்பித்தார்கள்.
இடம் - ISC Multi-purpose Hall, Darsait தேதி : 01-மார்ச்-2024, வெள்ளிக்கிழமை நேரம் : மாலை 5:30 மணி
நிகழ்ச்சி : சித்திரம் பேசுதடி - குடும்ப வண்ணக்கோலப் போட்டி
2024 ஆம் ஆண்டின் நமது மஸ்கட் தமிழ்ச் சங்கத்தின் ஜனவரி மாத நிகழ்ச்சி "சித்திரம் பேசுதடி - குடும்ப வண்ண கோலப் போட்டி" வண்ணமயமாக நடைபெற்றது என்பதை அறிவிப்பதில் பெருமிதம் கொள்கிறோம்.
உறுப்பினர்கள் தங்களது குடும்பத்துடன் கலந்து கொண்டு தங்களது அழகான வண்ணமயமாக கோல படைப்புகளை வெளிப்படுத்தினார்கள் .
இடம் - ISC Multi-purpose Hall, Darsait தேதி : 26-ஜனவரி-2024, வெள்ளிக்கிழமை நேரம் : மாலை 4:30 மணி
நிகழ்ச்சி : பிரமாண்டமான இன்னிசை நிகழ்ச்சி
நமது மஸ்கட் தமிழ்ச் சங்கத்தின் நவம்பர் மாத நிகழ்ச்சி 24-11-2023 அன்று மிக பிரமாண்டமாக "இன்னிசை நிகழ்ச்சி" நடைபெற்றது என்பதை அறிவிப்பதில் பெருமிதம் கொள்கிறோம்.
இடம் - City Amphitheater, Qurum தேதி : 24/ நவம்பர் /2023, வெள்ளிக்கிழமை நேரம் : மாலை 5:30 மணி
நிகழ்ச்சி : குடும்ப கிரிக்கெட் நிகழ்ச்சி
நமது மஸ்கட் தமிழ்ச் சங்கத்தின் அக்டோபர் மாத நிகழ்ச்சி 20-10-2023 அன்று சிறப்பாக நடைபெற்றது என்பதை அறிவிப்பதில் மகிழ்ச்சி அடைகிறோம்
நடைபெற்ற இந்தக் குடும்ப கிரிக்கெட் நிகழ்ச்சி Family Fun Cricket 2.0 ல் ஆர்வத்துடன் குடும்பத்தினர் மற்றும் நண்பர்களுடன் சேர்ந்து உற்சாகத்துடன் கலந்து கொண்டு நிகழ்ச்சிகளை மிகச் சிறப்பாக அமைத்து கொடுத்த நமது சங்க உறுப்பினர்கள், அவர்தம் குடும்பத்தினர்களுக்கும் எங்களின் உளமார்ந்த நன்றிகள்…
இதில் கலந்து கொண்டு குழந்தைகள் முதல் பெரியவர்கள் வரை அனைவரும் தங்களது சிறப்பான பங்களிப்பை அளித்தார்கள்.
இடம் - Scientific College of Design Stadium, Seeb தேதி : 20/ அக்டோபர்/2023, வெள்ளிக்கிழமை நேரம் : மாலை 4:00 மணி
நிகழ்ச்சி : சுதந்திர தின சிறப்பு பேச்சுப்போட்டி - என் தேசமே என் நேசமே
நமது மஸ்கட் தமிழ்ச்சங்கம் பெருமையுடன் வழங்கும் பேச்சாற்றால் திறன் போட்டி கடந்த செப்டம்பர் மாதம் 1 ஆம் நாள் சிறப்பாக நடைபெற்றது என்பதை அறிவிப்பதில் மகிழ்ச்சி அடைகிறோம்.
இந்த நிகழ்ச்சியில் நமது மஸ்கட் தமிழ்ச்சங்க உறுப்பினர்கள் மற்றும் குடும்பத்தினர்கள் தங்கள் பேச்சுத்திறனை வளர்க்கும் விதமாகவும், தமிழின் சிறப்புக்களை, சுதந்திரத்தின் பெருமைகளை பறைச்சாற்றும் விதமாகவும், சுதந்திரம் பெற்ற இந்த பொன் நாளை பற்றியும் அதன் சிறப்பினை பற்றியும் இந்த சுதந்திரம் கிடைக்க உறுதுணையாக இருந்த போராட்டத் தலைவர்கள், தியாகிகள் பற்றியும் மிகசிறப்பான களத்தினை அவர்தம் தலைப்புகளில் நம் தமிழ்ச் சங்க உறுப்பினர்கள் பேச்சுக்களை வழங்கினார்கள்.
இடம் - ISC Multi-purpose Hall, Darsait தேதி : 01/ செப்டம்பர்/2023, வெள்ளிக்கிழமை நேரம் : மாலை 7:00 மணி
நிகழ்ச்சி : திருக்குறளும் நானும்
கோடை விடுமுறையை பயனுள்ளதாக்க நம் மஸ்கட் தமிழ்ச் சங்க வரலாற்றில் ஒரு முதல் முயற்சியால்…
நமது மஸ்கட் தமிழ்ச் சங்கக் குழந்தைகள் “திருக்குறளும் நானும்“ என்ற தலைப்பின் கீழ் தமிழ் வாசிக்கவும் எழுதவும் தெரிந்த குழந்தைகள் அன்றாடம் திருக்குறளை ஆர்வமுடன் பொருளோடு எழுதி கோப்புகள் முறையில் அதிக அளவில் ஜூன் மற்றும் ஜூலை -2023 மாதங்களில் பதிவிட்டு வந்தார்கள்.
பங்கு பெற்ற அனைத்து குழந்தைகளுக்கும் திருவள்ளுவர் உருவ சிலை, விருதுகள் மற்றும் சான்றிதழ்கள் வழங்கி கௌரவிக்கபட்டது.
நாள் : ஜூன் மற்றும் ஜூலை மாதங்கள் - 2023
நிகழ்ச்சி :விளையாட்டு போட்டி
நமது மஸ்கட் தமிழ்ச்சங்கம் வழங்கிய உள்ளரங்க விளையாட்டுப் போட்டியில் 19-மே-2023 அன்று நமது உறுப்பினர்கள் தங்களது குடும்பத்துடன் பெருந்திரளாய் கலந்து கொண்டு நிகழ்ச்சியை சிறப்பித்தனர்.
கீழ்கண்ட விளையாட்டுகள் விமரிசையாக நடை பெற்றது .
- பல்லாங்குழி
- நொண்டியாட்டம்
- சதுரங்கம் (Chess)
- கரம் பலகை (Carom)
- பூப்பந்தாட்டம் (Badminton)
- ரூபிக்கின் கனசதுரம் (Rubik's cube)
இந்த விளையாட்டு போட்டியில் கலந்து கொண்ட உறுப்பினர்கள் தங்கள் திறமைகளை வெளிப்படுத்தவும், மேம்படுத்தவும் நல்ல ஒரு வாய்ப்பாக அமைந்தது.
நிகழ்ச்சியின் இறுதியில் போட்டியில் கலந்துகொண்டு சிறப்பித்த அனைவருக்கும் விருதுகள் மற்றும் சான்றிதழ்கள் வழங்கி கௌரவிக்கபட்டது.
இடம் - ISC Premises, Darsait
தேதி : 19-மே-2023, வெள்ளிக்கிழமை நேரம் : காலை 9:00 மணி முதல்
நிகழ்ச்சி : கலக்கல் குடும்பம்
நமது மஸ்கட் தமிழ்ச் சங்கம் ஒரு முழுமையான குடும்ப நிகழ்ச்சி ஒன்றை மே-2023 ல் நடத்தியது என்பதை அறிவிப்பதில் பெருமகிழ்ச்சி அடைகிறோம்.
இந்த "கலக்கல் குடும்பம்" நிகழ்ச்சிக்காக பல்வேறு குடும்ப அணிகள் அற்புதமான தங்களின் திறமைகளை தயார் செய்து மேடையில் மிக அழகாக நடித்து அரங்கத்தை அலங்கரித்தனர்.
மேலும், நமது சிறப்பு விருந்தினரான இயக்குனர் திரு.சீனு ராமசாமி அவர்கள் தமிழ் சங்க உறுப்பினர்கள் அனைவரையும் சந்தித்து பிரத்யேகமாக ஒரு சிறந்த கலந்துரையாடல் நிகழ்ச்சியை நடத்தி கொடுத்தார்.
இந்த நிகழ்ச்சி நமது தமிழ்ச் சங்கக்குடும்பங்கள் அனைவருக்கும் இன்பம் நிறைந்த இனிய பொழுதுபோக்கு நிகழ்ச்சியாக இருந்தது என்பதில் எள்ளளவும் ஐயமில்லை.
இடம் - ISC Multi-purpose Hall, Darsait தேதி : 05-மே-2023, வெள்ளிக்கிழமை நேரம் : மாலை 5:30 மணி
